Bergsjøen rundt

Beskrivelse

Frå Bergsjøstølen Fjellstue følgjer du godt merka stig, som i starten går litt austover og rundt Bergsjøen. Turen går i lett terreng og klopper er lagt ut mange plassar. Ca 4 km frå fjellstue er det ein gapahuk; ein fin plass å eta nista si. Bergsjøområdet har mange merka turar og denne turen kan kombinerast med fleire av dei. Rundt heile Bergsjøen har du god utsikt mot Reineskarvet i nord.

Adkomst: Følg Rv7 ca 3 km austover frå Ål sentrum. Ta av til venstre mot Bergsjø/Vats og følg Nordbygdvegen (Fv 2930) i ca 24 km. På stor P-plass ta av til høgre og inn på Bergsjøvegen. Følg denne til Bergsjøstølen Fjellstue, ca 2,5 km frå starten av Bergsjøvegen.

Parkering på parkeringen hos Bergsjøstølen Fjellstue. Parkeringsavgift.