Nummeskar
Description
Ein klassikar som startar med vekselvis knot og trilling frå siste sving på vegen til Geitadalen. Frå Nummeskar er det flyt på flott høgfjellsterreng ned til Fadnastølen. Eit par tekniske parti før det ber vidare på gamal stølsveg. Pass på å få med avslutninga på smal leiken sti i staden for direktelinja ned kløvjarvegen til Njøsadalsvegen.
Turen kan forlengast med å sykle opp mot Fadnastølen og ta ned mot Njøs ved Fleken. Denne delen er svart/raud og best å gjere med lange bukser eller før St. Hans. Dette vert lagt til sporet i neste versjon.
Access
Alternativ 1: Bratt opp Njøsadalsvegen før det vert slakare inn Geitadalen. Asfalt i dei brattaste partia av grusvegen.
Alternativ 2: Ta av frå Njøsadalsvegen ved første anledning mot Fadnastølen. Derfra er det delvis trilling opp til Nummeskar.
